शहर

- अनोज श्रेष्ठ


सधैं सपनाहरु र केही आशहरु बिच
सडक पेटी र गल्लीहरु
भौतारिरहने कुनै बेरोजगार युवकको
लामो सुस्केरा हो सहर !
संघर्ष र तनावहरु संगै
सधै साँझका गिलासहरुमा आफुलाई
रित्याउँन खोज्नुको रहर हो सहर !
सौख शोख भोग रोग र फोहरको
असन हो सहर !

जहाँ ईमान्दारीताको कुनै मूल्य छैन
जहाँ मानवता शून्य शून्य प्रायः छ
मान्छेको आस्थामा नअँटेको जिर्ण मन्दिर छेउ
मृुृत्यु पर्खिरहेका बृद्ध बृद्धाहरुको -
अत्यास लाग्दो दिन
र सभ्यताको गीतमा झुमिरहेका युवा पिँढीको
सवुत हो सहर !

आश्वासनले मात्र सरकार चल्ने
मेलम्चीको प्यास हो सहर ।



हालः यू।ए।ई