पर्खे हुन्छ छिटै यो ठाउँ छोडेर आउँदै छु
बिन्ति मेरो दुइ हात यिनै जोडेर आउँदै छु!
बिरानो देश बिरानो ठाउँ चट्टान जस्तै कडा
फलाम बनी चट्टान सबै फोडेर आउँदै छु!
शासन उस्तै कानुन उस्तै थिचिनै रहयो यहाँ
एक एक गरी जन्जिर सबै तोडेर आउँदै छु !!
मानव एकै सन्तति हामी बिश्व नै हाम्रो घर
फुलोस संधै फूल भनि गोडेर आउँदै छु !!!
मोती खोज्दै आँगन छोडी हिडें मरुभूमि तिर
जूनतारा तिर पाइला मेरा मोडेर आउँदै छु!
इश्वरी रावल (न्यौपाने )
कालिकास्थान, रसुवा
हाल इजरायल
साहित्यसंसार डट कमका लागि - 
0 comments:
Post a Comment