साह्रै राम्रो उनको रुप लुकी-लुकी हेरेँ
उनि आउने दोबाटोमा ढुकी-ढुकी हेरेँ
गोरो वर्ण कालो केश ति गाजलु आँखा
लजाउदै आँफैसँग झुकी-झुकी हेरेँ
चाहेर'नि उनको हात थम्न कहाँ सक्छु
होइनन् मेरी यही निर दुःखी-दुःखी हेरेँ
गरेको छु अर्कैसँग सँगै जिउने बाचा
बाँधेका ति बाचा देखी चुकी-चुकी हेरेँ
चल्नै पर्ने संम्झौतामा कस्तो लेख्यो भावी
दोषी आफ्नै भाग्यलाई नै थुकी-थुकी हेरेँ
-अनुराग कंडेल
साहित्यसंसार डट कमका लागि - 
0 comments:
Post a Comment