रातलाइ सोधे थाहा हुन्छ जून कति रून्छ ?

- अशोक पार्थिव तामाङ
रातलाइ सोधे थाहा हुन्छ जून कति रून्छ ?
बादल भित्र लुकि लुकि मन कसरी धुन्छ ।।

हाँसेकै छ उजेलै छ , जसले देखे पनि
दुःखी भएँ भन्दैन है , जसले भेटे पनि
काटिएको खुर्पा जस्तो हुनुपर्छ जूनले
घामले जसो भने पनि मान्नुपर्छ जूनले ।।


अँधेरोले डाहा गर्दै , फ्याँक्छ कालो गाजल
हुरीबतास मडारिन्दै , अकाश ढाक्छ बादल
बिहान सँगै बिलाएर जानुपर्छ जूनले
बैशको रहर पोख्न नपाइ मर्छ जूनले ।।

रातलाइ सोधे थाहा हुन्छ जून कति रून्छ ?
बादल भित्र लुकि लुकि मन कसरी धुन्छ ।।

( तपेश्वरी १ , उदयपुर )
हालः इजरायल