निष्ठुरीलाई एकै पटक

सुनील संगम

निष्ठुरीलाई एकै पटक हेर्न पाए हुन्थ्यो
मेरो माया छ कि छैन केर्न पाए हुन्थ्यो

कस्तो चाहा होला कुन्नी उनको भित्री मन्मा
म त भन्छु अँगालो मै बेर्न पाए हुन्थ्यो

आफै देखी टाढा टाढा भागी जाने मन्लाई
मायाँको त्यो काँडे तारले घेर्न पाए हुन्थ्यो

होसै हुन्न भन्दो रैछ पिरतीको मातमा
जे सुकै होस मनको धोको फेर्न पाए हुन्थ्यो

यो जुनिमा पक्कै संगम हुन्नै भनेदेखि
आफ्नो घाँटी आफैले नै सेर्न पाए हुन्थ्यो