गजलः चरिकॊ बेदनामा......
गुँडमाथी दर्कीयॊ बर्षा,बिरहले रॊइ चरी ।।
बच्चाहरू जॊगाउँ भन्दै,भिज्छे माउ कठै बरी ।।
कष्टपुर्ब सहेर बसे,अबिरल रूझे पनि
असीनाले बेस्सरी चुट्दा,सबै रॊए चिँचिँ गरी।।
लगातार चट्याङ पर्दा,थरथर गर्दै काँपे
बासस्थान एउटै मात्र,चिसॊ भयॊ हिँउ सरी।।
प्रकृतिक प्रकॊप हरे,असहाय पंक्षी माथी
रॊकीयन मुसल धारे,हुरी आयॊ घरी−घरी ।।
जॊडसंग बतास चल्यॊ,हाँगॊसंगै गुँड खस्यॊ
चुँक्कै पनि नगरि कनै,प्राण त्यागे तल झरी ।।
दर्दनाक दृष्यले गर्दा,श्यामरात दुःखदायी
बेदनाले हृदय जल्यॊ,अश्रुधारा गह भरी ।।
रचनाः श्याम रॊक्का,
२५ मे २०११,इजरायल ।
साहित्यसंसार डट कमका लागि - 
0 comments:
Post a Comment