धरतीका फूलहरु, बिहानीका शितहरु,कुन मन्दिर पुग्ने हो, जिन्दगीका गीतहरु ।
भन्छन् फूलको जवानी, एउटा आँखा-नानीमा,
दिल जलेको कहानी, बग्दै जाने पानीमा ।
बिरानो भै जाने त्यो, पिरतीका धुनहरु,
कुन मन्दिर पुग्ने हो, जिन्दगीका गीतहरु ।
चखेवाको मुटुमा, मन्त्र लेख्ने पुझारी,
किन पोत्यौ जिन्दगी, चुक जस्तो अँधेरी ।
रात फुल्ने सितारा, मुर्चुङ्गाका धुनहरु,
कुन मन्दिर पुग्ने हो, जिन्दगीका गीतहरु ।।
-ईन्द्र नारायण चोङ्बाङग
ताप्लेजुंग ।
साहित्यसंसार डट कमका लागि - 
0 comments:
Post a Comment