अझै बलियो छ

हरि मानन्धर "विवश"


धैर्यता र सहासका बाँध अझै बलियो छ
सुख छाडी दुःख थाप्ने काँध अझै बलियो छ

बाढी पहिरो हुरी बतास्, केहि होइन संघर्षमा
भत्किदैन हिम्मत कैले साँध अझै बलियो छ

पीर लिई गल्ने छैनन् आत्मबल कहिले पनि
जिन्दगीमा विस्वासको खाँद अझै बलियो छ

जति छेक्छौ उज्यालो त्यो, छेकिदैन तिम्रो करले
अँध्यारोलाई पन्छाउने चाँद अझै बलियो छ

विवश पो किन बन्छु, दिन विते के भयो र !
कर्म गर्ने दिन भन्दा साँझ अझै बलियो छ