माया भन्ने चिजै यस्तो फेरि साट्न गाह्रो भा'छ ।
मन दुखे त सम्हाल्नेथे, खै के भयो विचित्रै भो
झरी परे पछि बादल फेरि फाट्न गाह्रो भा'छ ।
रङरोगन लगाएर सुन्दर पार्ने इच्छा छैन
आफ्नै मन मारी अब, फेरि ढाँट्न गाह्रो भा'छ ।
अरू बाँकी के नै छ र? परदेशमा एक्लै बस्दा
को विरानो को हो आफ्नो, फेरि छाँट्न गाह्रो भा'छ ।
धनको लोभले मन भरियो, मनको लोभ सधै खाली
देशकै नुन मिठो थियो फेरि चाट्न गाह्रो भा'छ ।
साहित्यसंसार डट कमका लागि - 
0 comments:
Post a Comment